2 वर्ष पहिले 295 सामग्री पोस्ट दृश्य
समाचार, प्रबिधि
सामग्री लेखक: Ashok Kumar Mandal
सर्लाहीको हरिपुर नगरपालिकामा मानसिक सन्तुलन ठिक नभएका युवकले आफ्नै घरमा आगो लगाउँदा १५ लाख रुपैयाँभन्दा बढीको धनमाल क्षति भएको छ ।
जिल्लाको मध्यभागमा पर्ने हरिपुर–२, सानो जगतपुरका कुम्भमाया बराल न्यौपानेका छोरा दीपक न्यौपानेले सोमबार राति आफ्नै घरमा आगो लगाएका थिए ।
इँटा र काठले बनेको दुईतले घर पूर्ण रूपमा जलेर नष्ट भएको जिल्ला प्रहरी कार्यालय सर्लाहीका प्रहरी प्रवक्ता प्रहरी निरीक्षक विजय कुँवरले जानकारी दिए ।
आगलागीबाट घरसहित घरभित्र रहेको अन्न, कपडा, भाँडा र नगदसहित सम्पूर्ण सरसामग्री जलेर नष्ट हुँदा १५ लाख रुपैयाँभन्दा बढीको क्षति भएको उनले बताए । आगलगीका सम्बन्धमा अनुसन्धान भइरहेको प्रहरी निरीक्षक कुँवरले बताए ।
आगलागी स्थानीय, प्रहरी र हरिवन नगरपालिकाबाट गएको दमकलको सहयोगमा नियन्त्रणमा लिइएको थियो ।
6 दिन पहिले
21 दिन पहिले
_1733455249.jpg)
21 दिन पहिले
2 महीना पहिले
